"إيلاف" من القاهرة: تستعد الفنانة أنغام لطرح أغنية "ودوني عند أمي" وهي الأغنية التي تقدمها كهدية بمناسبة #عيد_الأم. وهي من كلمات وألحان عزيز الشافعي وتوزيع مادي، وستُطرح عبر أثير الإذاعات خلال الساعات القليلة القادمة.

وتقول كلماتها:

ودّونى عند أمى أقعد معاها شوية..
وحشانى كتير أوى الست الحلوة دية..

أنا مهما أروح وأجى ماليش غير حضن أمى..

من بعدها مفيش أمان ومفيش حنية..

المخلصة الوفية ..الحاجة الحلوة اللى فيا..
هى البركة اللى عندى وماليش بركة إلا هى..

الطيبة الأميرة..أمى الست الأصيلة
حياتى وذكرياتى فى تقاطيعها الجميلة

أمي ..مين زيها..بحبها ..ده حبها ف دمى 
ودّونى عند أمى

ودّوني ودّونى وردونى لبداياتى 
للغالية على قلبى وأول حب فى حياتى

أول دلع..أول هنا وطبطبة
أمى أنا..وصاحبتى من الصبا

المخلصة الوفية.. الحاجة الحلوة اللى فيا
هي البركة اللى عندى
وماليش بركة إلا هى

الطيبة الأميرة..أمى الست الأصيلة
حياتي وذكرياتى فى تقاطيعها الجميلة

أمى..مين زيها..بحبها..ده حبها ف دمى

ودّونى عند أمى