"إيلاف" من القاهرة: قدّمت الإعلامية منى عبد الوهاب اعتذاراً للمخرج عمرو سلامة عن تدوينتها الأخيرة التي أعلنت فيها انفصالهما بعد خطوبة استمرت عدة أشهر.
وكتبت عبر حسابها على "فيسبوك: "لما بنحب حد جدا أقل حاجة منه بنشوفها كبيرة أوي و بنزعل منها جدا، و أزمة العاطفة في حياتنا إنها بتحد من العقل و بتخلينا مندفعين، أنا أسأت التقدير لما عبرت عن إحساس شخصي جدا على صفحتي الشخصية و لما ما توقعتش إن الموضوع يهم الصحافة أوي بالشكل دا، و لأني من إندفاعي ما فكرتش إن العلاقات الإنسانية المهمة في حياتنا ما ينفعش نختزلها في كلمتين على الفيس بوك".
وأضافت "لما حد محترم يدخل حياتنا بإحترام لازم حتى لو خرج منها يخرج بإحترام، أنا مدينة بإعتذار من أعماق قلبي ل Amr Salama و لعائلته الكريمة جدااا، الحقيقة إن عمرو مش مجرد حبيب أو خطيب، عمرو أقرب إنسان ليا في الدنيا و أعز صديق بين كل أصدقائي المقربين، و الحقيقة إني آسفة جدا بسذاجة تسببت في هرج و مرج لا يليق بأحدنا ..آسفة جدا عمرو سلامة".