دارميات عراقية مابعد 2004
يمكنكم الآن متابعة آخر الأخبار مجاناً من خلال حسابنا على تويتر
إضغط هنا للإشتراك
ان اردتً ان تكتفي بالضحك او الابتسام، فهذا لكَ، وان اردتَ ان تحلل ظاهرة اجتماعية من خلال هذا الفن الشعري فهذا لك ايضا.!!.
أدناه مجموعة من الدارميات،نُضمتْ مابعد 9 نيسان 2004 من قبل ناس قد لايكونون شعراء، متداولة في العراق، تناولتْ أشياء جديدة، وبعضها بمفردات " انكليزية " جديدة أيضا على الفرد العراقي لم يألفها سابقا، قام بتوظيفها، أو السخرية منها بروح نكته وأحيانا عبث يصارع الواقع الذي يعيشه..!
والدارمي هو نوع من الشعر الشعبي العراقي الذي يختصر قصة كاملة في صدر وعجز فقط.
على سبيل المثال لا الحصر ( الانترنت، عالم " الموبايل " النقال،الأسلحة والإرهاب، الميليشيات، الكومبيوتر..الخ )
مفخخات وأسلحة وأميركان
الدهر بس وياي عالنهه حربه
موطلقة حط بالروح حط بيهه " بمبه"
" فخختْ " روحي اليوم كل هذا لجلك
ولو مارضوا ينطوك انفجر بهلك
بين الگلب والروح اهنا اخليك
واكتب " خطر ممنوع " محد يمر بيك
ظلمة " وحظر تجوال " وامريكي عل الباب
ولو تنگلب طلقات اتعنه الاحباب
" مفخخ " صرت بهواك صرت انتحاري
تفجيري " بالريموت " بيدك قراري
من كثر مامشتاگـ تيهت نفسي
اجرت الامريكان حسبالي تكسي
" عبوة " وزرعني الشوگ صرت علة دربك
واعذرني لو " طگيت " فجرني حبك
مليشيات وطوائف
ظلمة و "حظر تجوال " و " البطة " تفتر
واليطلع " ايصكوه " لو جدة يحظر
صوم وصلاه نيشان بالگصة راسم
ولو تسأل التاريخ يطلع " حواسم "
لو گلبي عافك يوم سويته " تكه "
و ( للمكتب استدعاء بالبطة اصكة )
خوة ونظل للدوم سنه ويه شيعة
والدين نفس الدين نفس الشريعة
انترنت وكومبيوتر وسفر
" فرمتت " هاي الروح من كل الاوهام
واول اسم حطيت اسمك على " الرام "
الگلب نص الليل حن وذكركم
والعقل صاير" رام " يخزن صوركم
" بالنت " صدگ حبيت، حبيت بخبال
تالي فتحت " الكام "، طلعتلي رجال
صح البشر حلوين بس الك ميزة
تدخل گلب تهريب وبلية " فيزة "
تلفونات موبايل " نقال "
دگ گلبي ست دگات والگلب " هزاز"
" نقالي " هم شيطان يعرفهم اعزاز
فارغ حبيب الروح نايم على الريش
خايف على " السنتات " گاضيها " ترميش"
موصوجك انته الصوج كله من اديه
سويتلك " مس كول " تفتح عليه
لا " مسج " لا " مس كول " چا شنهي فلمك
دزلي رساله ابساع لاامسح اسمك
دايخ وافكر بيك ومشوش البال
خابرت " بالريموت " حسبالي " نقال "
فرفح جهازي عليك ثق فرفح" الرام"
والشحن من دگيت يرگص "هجع" گام
دارميات تحشيش
طـُفر طـَفرْ خنزير و " العمبة " طيبة
گوم اترس " اللالاتْ " مالك علاقه
أزرع بصل بالگاع تطلع " بتيته"
لك شلي بالبطيخ،شكرا جزيلا.
ضياء حميو
ببساطة عزيزي القاريء..!
التعليقات
مو احسن من تجاربك
دارمجي عراقي -بشرفك هايه الدارميات الحلوه مو احسن من تجاربك الدنماركيه اللي خبصتنا بيهم, شنو رايك هسه بالدنمارك بعد اندلاع حرب الشوارع بين العصابات الدنماركيه والقتلى يوميا بالعشرات.
برافو
علي -الأخ ضياء ... الله الله عليك والله لقد أضحكتني وأزلت عني بعضاً من وحشة الغربة عن العراق الغالي... دمت لنا
الشعب العظيم
عراقيه وافتخر -شكرا لكاتب المقال على كتابة هذه الدارميات الجميله التي اسعدتني وانا في الغربه فشكرا لهذا الشعب العريق شعب الحضارات الذي لن تستطيع اي قوة على وده الارض ان تمحي النور الموجود في هذا الشعب العظيم الذي استطاع بفكره النير ان يتغلب على الصعاب ويوظف الكلمه ولو بلهجته العاميه للتعبير عن حبه للحياه باستخدام هذه المفردات الجديده على شعبنا العظيم (هزاز , نقال، مفخخه، وغيرها) كل الحب لشعبنا العظيم بكل طوائفه وكل قومياته
Verery nice
Sweden -Verey verey nice .Thank you.
احلى دارميات
ابن الفراتين -اشكرك من صميم قلبي ضحتكتني و اني مشتاق للضحك اتمنى لك التوفيق و المزيد من المواضيع القيمة عاشت ايدك