مصر تمنع سفر المعارض أيمن نور إلى واشنطن

ياإبن بلدي إعقل

أنا لم أعد أفهم شئ , فأيمن نور قال حينما سافر جمال مبارك إلي واشنطن قال أيمن نور وحواريه : بأي صفة , والراجل رئيس للجنة رسم السياسات في الحزب الحاكم , وأنا النهاردة أسأل أيمن نور أنت تقول أنا كنت ذاهب لحضور ندوات تنظمها الجاليات المصرية في الولايات المتحدة والتحدث في ندوة ينظمها مجلس العلاقات الخارجية فبأي صفة والسؤال هنا منطقي .. ياعم أيمن يارب يخليك إعقل إنت لاتعرف شئ .. ليه تسمح لنفسك تبقي وتد مساندة لجهات خارجية تعتمد عليك في إثارة فوضي قالوا إنها بناءة في بلد كل اللي كايد العالم ومحيره إنه مستقر من سبعة آلاف عام ..وسوف يستمر مستقراً .. وسبب استقراره إحترامه للسلطة المركزية .. إنت عارف يا أيمن إنت راجل طيب في السياسة قوي وغلبان .. يا أيمن مصر يحكمها ويميزها طابع قومي نادر حدوثه وتكراره في العالم لأنه ترسب عبر آلاف السنين.. أولها إحترام السلطة المركزية وثانيها المسالمة والصبر .. ورغم الهتافات التي ترددونها محسوبة في تلك الجهات تماماً ., وعلي رأسها يسقط يسقط حسني مبارك إنت عارف ليه يا أيمن , لأن مبارك هو رأس السلطة المركزية لأنهم فكروا في ضرر مصر كثيراً فعرفوا إن مصر ماينفعش معاها غزو . وتخيلوا إن اللي ينفع معاها هو هز هيبة السلطة المركزية بهتافات زي اللي إنت بتقولها يا أيمن وأنت لاتعرف أنك تنفذ سياسة كبيرة قوي وهي تفتيت مصر .. يا أيمن إسأل أخوك حسن نافعة والغزالي وهمه ناس طيبين قولهم ألا يندرج مانقوم به في إطار عملية تسميم سياسي واسعة النطاق , والتسميم هنا مش يعني سم , بل يعني غرس أفكار زي اللي بقت في رؤوسكم أو مفاهيم تؤدي بمن يقتنع بها , أن ينتقل من مرحلة الإقتناع بها إلي الإنتقال إلي الإطار السلوكي أو الحركي لها , لتصبح النتيجة هتافاتك في الشارع , ثم ممكن عنف .. ومشوار غامض إنت باين لاتحس بيه .. عيب ياعم أيمن السياسة مش كده , اللي بيعمل لمصلحة بلده مش كدة , همه بيدفعولك ليه حق التذاكر والإقامة ياراجل يا طيب , عشان سواد عيونك , واللا عشان إنت زعيم , زعيم علي مين, وعمال تقول مناظرة , يعني مع إحترامي ليك إنت اللي فاهم كل حاجة , بأمارة إيه , ياعم أيمن إعقل .. ماهو من ضمن الأفكار اللي غرسوها فيك إنك زعيم علشان تعمل اللي إنت بتعمله ده , ياسيد أيمن يا إبن بلدي مصر عيب , وفكر شوية إنت واللي أقنعوهم إنهم قادة رأي ...