كراهية باسم لميسي تُفجِّر سجالاً بين الأهلي والزمالك

أثار باسم مرسي، مهاجم وهداف نادي الزمالك المصري، موجة من الجدل مؤخرا بعد خروجه في برنامج تلفزيوني ليكشف عن حقيقة كرهه لنجم برشلونة الإسباني، ليونيل ميسي، بسبب مواقفه السياسية المنحازة للصهيونية وإسرائيل، على حد قوله.&

وأضاف باسم أنه يميل على المستوى الشخصي بشكل أكبر لنجم ريال مدريد الإسباني، كريستيانو رونالد، المعروف عنه تواضعه، حبه لعمل الخير والتبرع للمرضى.&&وجاءت تلك التصريحات من جانب مهاجم الأبيض الشاب لتؤجج حالة الخلاف والشحن القائمة في الأساس بين جماهير الزمالك والأهلي، حيث بدا من أغلب التعليقات ترحيب مشجعي الأبيض بتعليقات باسم وهجوم كثير من مشجعي الأحمر عليه، لدرجة وصفه بـ"الجاهل"، خاصة فيما يتعلق بحديثه عن أن ميسي صهيوني الديانة.&&فقال مصطفى السيد "ميسي راسم المسيح عليه السلام على دراعه يبقى يهودي ازاى ؟؟ 2- ميسي راسم كنيسة روزاريو على دراعه يبقى يهودي ازاى ؟؟ 3- ميسي بيرسم الصليب بعد كل جول يبقى يهودي ازاى ؟؟ 4- الوشم محرم عند اليهود على حد علمي. طيب كدا ميسي مش يهودي. طيب حكاية تبرعه لاسرائيل هو هيستفاد ايه يعنى من التبرع ده، حضرتك مصمم برضو انو اتبرع طيب : 1- لما حضرتك تتعب نفسك شوية وتشوف ميسي رد ازاى على الشائعات وقال أنا لا أتبرع لدولة تقتل الأطفال ..بس حضرتك مش عايز تصدق أصلا. 2- طالما معاه فلوس أوى كده وبيتبرع طب ما يروح يدفع الضرايب اللى عليه الأول. 3- أردا توران كان اكتر واحد عاوز يفضل في اتليتكو، بس بسبب إن اتليتكو تعاقد مع شركة صهيونية ساب الفريق علشان الشركة بتدعم اسرائيل ...بعد كده توران راح برشلونة اللى فيها ميسي ...ازاى بقى هيسيب اتليتكو علشان الشركة الصهيونية ويروح يلعب مع ميسي اللى بيدعم إسرائيل (كما تزعمون) ويبقى صديقه ؟؟؟؟؟".&وأضاف حساب على فايسبوك اسمه كان كل حاجة :" يا راجل يا مؤمن! ولا بلاش مؤمن علشان بيقلب المواجع". ورغم الهجوم على باسم مرسي من قبل بعض جماهير الأحمر، لكن هناك من تناول تصريحاته بموضوعية، حسب وجهات نظرهم، فقال أحمد هاني الحاج " والله انا بكرهه ( في إشارة لباسم ) وأنا اهلاوي متعصب كمان بس وجهه نظره صح وأنا وناس كتير بنحب رونالدو اكتر من ميسي بسبب من ضمن الأسباب دي". وأضاف وائل رجب " أنا اهلاوى جدا لكن بقول للناس اللى بتسفه كلام باسم إن كلامه ده على لسان معظم المصريين الشرفاء وده مش كلام في الهواء ده حقيقة واقروا شويه في المواقع والصحف قبل ما تنتقدوه عن جهل".&وعلى الجانب الآخر، أبدا معظم أنصار الزمالك تأييدهم لتصريحات باسم، فقال حسن أشرف "هو مش مهاجم جامد؟ بيجيب أجوال كتير مع الزمالك والمنتخب؟ لعب 3 ماتشات مع المنتخب جاب فيهم 3 أجوال منهم جولين حلوين (واحد في جامايكا والتاني في تنزانيا) ؟ يعنى الناس متوقعاله مستقبل حلو فى المنتخب وانت بتهاجمه عشان أنت أهلاوي؟ في أهلاوية كتير هنا بس بيحكموا عقلهم وبيشيدوا بباسم".&وأضاف مستخدم آخر على فايسبوك اسمه أرابيك دراغون "باسم افضل مهاجم في مصر حالياً ورأيه صائب تماما. فميسي يذهب لإسرائيل بشكل منتظم ويدعمها عكس رونالدو الذي يتعاطف مع فلسطين ويتبرع لمستشفي السرطان ربنا يحفظك يا باسم من كل سوء لاعب أخلاق ومحترم ونجم". فيما قال هاني الزملكاوي "مش عاوزين نقلبها إن ميسي إسرائيلي وحش ورونالدو فلسطيني حلو ومقطقط. كلنا بنحب ميسي ورونالدو واﻻتنين بيعملوا أعمال خيرية بالملايين في افريقيا وناس محترمة. اللي ما بيحبش ميسي ومهارات ميسي يبقى ملوش علاقة بكرة القدم أصلاً".&وقال تامر سيد "رغم اني زملكاوي وبحبك, بس بصراحة ميسي وبرشلونة كلهم بيعملولي جنان لما بتفرج عليهم, بس برضه بحب الزمالك أكتر بكتييييييييييييييير".&شاهد فيديو لحديث باسم مرسي&