مشادة نارية بين زيزو ورئيس الزمالك تنهي أزمة الشيخ

توالت ردود الفعل من جانب النقاد والجماهير على الاشتباك اللفظي الذي نشب على احدى الفضائيات المصرية بين مرتضى منصور، رئيس نادي الزمالك، وعبد العزيز عبد الشافي، نجم نادي الأهلي السابق ومدير قطاع الناشئين بالنادي، خلال الحديث عن حالة الاحتدام الكروي التي تشهدها الساحة الرياضية في مصر الآن على خلفية أزمة اللاعب أحمد الشيخ وصراع القطبين على أحقية كلا منهما في المهاجم الشاب.

القاهرة :&وكانت الخلاف قد اشتعل خلال بث البرنامج التلفزيوني (ممكن ) والذي يبث على &قناة "سي بي سي " الفضائية ، وتحديداً بعد أن اتهم منصور النادي الأهلي بجلب جماهير توجه السباب للجيش المصري، حيث سرعان ما تدخل عبد الشافي بقوله " محدش شتم جيش مصر يا سيادة المستشار، النادي الأهلي نادي الوطنية، مفيش حد في النادي الأهلي يشتم جيش مصر، حضرتك شتمت مصر كلها السنة اللي فاتت وشتمت النادي الأهلي كله، وشتمت رموز النادي الأهلي، لا يا راجل أنت محتاج تعتذر لمصر كلها، محتاج تعتذر لأمهات مصر".&وفيما حاول منصور مقاطعة عبد الشافي والسيطرة على مقاليد الحديث بنبرة صوته المرتفعة بقوله " أنت اقعد احترم نفسك"، لم يعطه عبد الشافي الفرصة واستمر في حديثه بالقول " انت محتاج تعتذر للناس اللي أنت سخرت منها، محتاج تعتذر لنادي الزمالك، ولكرسي نادي الزمالك، كرسي نادي الزمالك ده كرسي محترم، من أيام حلمي زامورا وأبورجيلة".&ورد منصور مجددًا "اتكلم بأدب"، ليقاطعه عبدالشافي مرة أخرى بقوله "أنت يا راجل محتاج تعتذر لنفسك، عارف يعني إيه تعتذر لنفسك، عشان يبقى عندك شوية سلام تقدر تعامل بها الناس بأخلاق كريمة".&وبينما حاول مقدم البرنامج خيري رمضان التدخل لإنهاء المشادة بقوله "كابتن عبدالعزيز أنا عمر ما حصل خناقة في برنامجي، فرد زيزو "دي مش خناقة، هي دي المشكلة الأساسية، المشكلة الأساسية في هذا الرجل إنه بيتطاول على أي حد في مصر وعايز كل مصر تعتذر له، ازاي ؟".&وبعد أن حاول زيزو ضبط أعصابه، دعا إلى منصور قائلا "ربنا يهديك"، فاستشاط مرتضى غضبا ليرد عليه مستنكراً "ربنا يهديني ؟ "، ليتدخل خيري رمضان محاولا فض الاشتباك مجددا قائلاً :" نعم ربنا يهديك ويهدينا ويصلح حالنا جميعاً".&&وفي ختام المكالمة، بدأ يهدأ صوت المستشار مرتضى منصور شيئا فشيئا ليعلن عن مفاجأة مفادها أنه قرر سحب شكوى ناديه بخصوص اللاعب أحمد الشيخ، إن كان ذلك الأمر سيتسبب في حدوث احتقان بين جمهور القطبين، معترفاً بأن وجوده من عدمه لن يفيد أو يضر بالأهلي أو الزمالك. ثم وجّه حديثه لعبد العزيز عبد الشافي قائلاً " شفت ربنا هداني ازاي ؟! ".&&الكشف عن المخطئ&&وعلى صفحته على موقع التواصل الاجتماعي، قال الاعلامي الشاب ونجم الأهلي السابق وائل رياض : قاعدة عرب والصلح خير : كالعادة وكما هو متعارف عليه في وسطنا الرياضي ان مفيش اي لوائح بتحكم ولا في قوانين وكله بيخلص بقاعدة العرب وشاي بالياسمين وخلاص كده ، هو خلاص أزمة أحمد الشيخ انتهت بمجرد إن وزير الرياضة قال كلمتين حلوين لرئيس الزمالك سخنه بيهم والراجل مشكوراً راح متنازل ؟؟؟ هي الازمة انتهت بمجرد ان النادي الاهلي اعلن انسحابه من بطولات ينظمها الاتحاد المصري لكرة القدم ؟؟؟ هي الازمة انتهت علشان واحد في اخلاق وحكمة كابتن زيزو طلع واتكلم ؟؟؟ طيب السؤال اللي لازم يتسأل :&هو اللاعب بجد أخطأ ؟؟هو لجنة شئون اللاعبين أخطأت في قراراتها ؟؟هو نادي الزمالك ليه حق الشكوي اصلاً ؟؟هو النادي الاهلي كان هينسحب بجد ؟؟هو النادي الاهلي كان عارف ان اللاعب ماضي مع الزمالك و رغم كده قاله تعالي امضي وملكش دعوة احنا هنخلصها ؟؟&كل دي اسئلة لازم يتجاوب عليها ويتعرف مين المخطئ ومين اللي ليه حق ..&لكن كل قصة وكل حكاية تنتهي بصلح من غير منعرف مين اللي اخطأ وميتعاقبش يبقي هنفضل في المسلسل الهابط ده طول عمرنا ...&انا قولتها السنة اللي فاتت ايام مؤمن زكريا ان دي مش هتبقي اخر مرة علشان كذا سبب :١- مفيش لاعب مثقف عارف ما له وما عليه ..٢- مفيش وكيل لاعبين عارف مهامه وواجباته ..٣- مفيش أندية محترفة عارفة تفرق بين التفاوض والتعاقد ..٤- مفيش لوائح ملزمة لكل فرد في المنظومة ..٥- مفيش افراد بتدير عندها عقلية احترافية محترمة وكله بيعمل لمصلحته الشخصية ولحساباته ..٦- مفيش وزير يجي ينقل الرياضة والرياضيين لمنطقة تانية خالص ..٧- مفيش وزير يجي مايبقاش همه انه يصالح كل الأطراف علشان يتقال انه سياسي بدون معاقبة المخطئ حتي ولو التخين ..&مفيش مفيش مفيش وكل ده وعايزين او بنتكلم عن الاحتراف ....منظومة فاشلة وللأسف مفيش امل ان حاجة تتغير طالما العقول مش هتتغير ..وطالما ماشيين بمبدأ المصالح بتتصالح يبقي سلملي علي الكورة المصرية ...&قانون فوق الكل&فيما قال هيثم نبيل، مدير موقع يالا كورة: "هو انتو كان في اي حد عنده شك ان الفيلم حيخلص كده ؟؟ المفاجأة بقى إن أنا بطالب وزير الشباب والأهلي بعدم الموافقة على سحب الشكوى من مرتضى وعمل تحقيق كامل في الواقعة ولو اتحاد الكورة مزور او متواطئ يمشي. الزمالك لو مزور او غلطان يتوقف. الاهلي لو ما لوش حق وعامل فيلم يتوقف. لكن بما انها ( بالحب ... بالحب ... بالحب ) فانا احب اقولكم كلكم انا احنا حنفضل في المصيبة ديه لحد ما يبقى عندنا دولة بجد عايزة يبقى عندها قانون فوق الكل ويتنفذ على الكبير قبل الصغير. يعني مش دلوقتي خالص خالص خالص خالص".&عقوبات اللاعبين&وأشار المعلق الرياضي الشهير على قنوات الجزيرة كابتن أحمد الطيب إلى أن الكابتن زيزو حالة خاصة - نفتقد مثيلاتها فى الحياة عموماً ( أخلاقياً ) وفي مجال الرياضة و كرة القدم خصوصاً ( فنياً و أخلاقياً ) - ربى يحفظه و يزيده حكمة و توااااضع.&وقال الإعلامي الإذاعي عثمان أباظة "ارفض لم موضوع الشيخ بالشكل ده يجب عقاب الشيخ وكمان عقاب الزمالك وأي نادي يوقع مع لاعب متعاقد بدون علم ناديه إذا كنا عايزين يبقى فيه كرة قدم ودوري محترفين حقيقي واتحاد كره حقيقي ودولة حقيقية".&وأضاف المذيع بقناة النيل للرياضة المصرية طارق رضوان " بدأت العام الماضي حملة ضد اللاعبين المزورين وعديمي الخلق والضمير الذين يوقعون لأكثر من نادي في توقيت واحد . في ظاهرة مؤسفة تنفرد بها الكرة المصرية وحدها. واعدكم بمحاربة تلك الكارثة حتى نقضي عليها تماما إن شاء الله".&شاهد الفيديو :&&