تراشق إلكتروني بين حسابي الأهلي والزمالك بعد كأس مصر

&شهدت الحسابات الرسمية لناديي الأهلي والزمالك على موقع التواصل الاجتماعي حالة أشبه ما تكون بالتراشق الإلكتروني بين القائمين عليهما، وذلك بعدما بدأ نادي الأهلي بكتابة تدوينة على حسابه في محاولة لتأكيد تفوق النادي الأهلي من خلال انتصارات عديدة للنادي على حساب الزمالك، عقب هزيمة الكأس، ليقوم حساب الزمالك بالرد على حساب الأهلي في المنشن التابع له، ووضع صورة لحارس الزمالك جنش وهو يقوم بوضع يديه على أذنيه ويخرج لسانه، في محاولة لإغاظة العاملين في حساب الأهلي.

وتسببت تلك التدوينة، في اشتعال المواجهة بين جماهير القطبين ، فقال مشجع أهلاوي "الزمالكوية بقى يتكلمو مع جمهور الأهلي في الكرة والبطولات هو ايه اللي حصل فى الدنيا"، ليرد عليه مشجع زملكاوي بقوله "هما الزمالكويه من امتى وهما بيتكلمو مع حمير ده أنا اعرف فريق مخدش الكأس من 2007 #بيب_بيب".&وعبر آخرون من مشجعي النادي الأحمر عن غضبهم من التراجع الحاصل في الفريق رغم تدعيمه بكثير من الصفقات المميزة خلال الفترة الأخيرة ببيان تم نشره فيما بينهم على مختلف الصفحات الرسمية وغير الرسمية للنادي الأهلي جاء فيه " الإهتمام بـ قصات الشعر وصور الإنيستغرام والفيسبوك عشان سعاد بنت صالح سليم وحنان الأهلاوية جداً ومريم بنت التيتش .. أكيد لازم تكون النتيجة خسارة دوري وكاس في عدم وجود مدير كرة محترم وراجل إبن راجل يعرف يوقف الكل عند حده .. التجديد لـ اللعيبة في شهر 8 وتطلب إنهم يمشوا في شهر 9 ده لازم محاكمة من جمهور الأهلي عليه .. اللعيبة الجديدة عايشة علي أمجاد اللعيبة القديمة اللي أخرهم عماد متعب وعاشور اللي أول مرة يخسروا من الزمالك في أرض الملعب كان إمبارح .. هو عمل لـ الأهلي إنتوا عملتوا إيه !! .. في حاجات تبينلك الخامة اللي قدامك هتعمل إيه .. لما من غير حسام غالي مفيش نص ملعب يبقي النادي يقفل لحد ما نستنسخ واحد تاني زي حسام غالي نعرف نكسب بسببه .. فـ علي جنب ونبي .. لما لاعيبة سنها معداش الـ 20 سنة تتف وتهتم بـ كلام الإعلام وتعمل حاجات غريبة في الملعب عشان ترد علي الإعلام يبقي محتاجين واحد دكر &.. لما اللي يغلط بيعتذر عـ الإنيستغرام يبقي إحنا داخلين علي أيام ما يعلم بيها إلا ربنا .. الجمهور هيجيلك وهيقول تعتذر فين وإزاي .. الجمهور هيجيلك ويقولك إن شعرك يا محمد يا حمدي اللي بعد كل هجمة تجيبوا علي جنب عشان النعكشة وشكلك قدام الكاميرات .. الجمهور هيجيلك يا علاء يا صادق وهيحاسبك .. الأهلي معودناش عـ المكسب أكتر ما عودنا إن يبقي فيه 11 راجل بيلعبوا كورة برجولة .. جمهور الأهلي هيجلكوا ويقولكوا إن الأهلي مش مكان للموظفين .. يا تبقي راجل يا تروح أندية انبي وبتروجيت والإنتاج تقدر تاخد فلوس وتبقي موظف .. إنت بتلعب لـ الأهلي وجمهوره .. وإنت تحت أمر الأهلي وجمهوره .. جمهور الأهلي بتاع 2003 و 2004 راجع يحاسب كل واحد قصر في حق النادي في أول تمرين".&وقبل مباراة الكأس بساعات، بدأ الحساب الرسمي للقلعة الحمراء بإشعال الحرب النفسية مبكراً، حيث قال الحساب في تدوينة له على موقع فيسبوك " من حقك المحاولة مرة ثم الأخرى ولكن منذ زمن بعيد والنهاية دائماً واحدة ومعروفة للجميع".&وكانت تلك التدوينة بمثابة البداية لحالة التلاسن التي زادت حدتها بين جماهير القطبين، خاصة في ظل ما تشهده الساحة الكروية المصرية من تعصب كروي شديد، ساهم فيه بعض من مسؤولي الأندية، بعض الصحافيين ومقدمي البرامج التلفزيونية.&&

تغريدة حساب الأهلي

تغريدة الرد من حساب الزمالك

&&