المعارضون المسلحون يحاصرون مدينة حارم السورية المحاذية لتركيا

يكفي

الزمن كفيل بتوضيح كل شي، بأول الأمر كان المسلحون يمشون مع المظاهرات بحجة الدفاع عن المواطنين أما الآن فلا مظاهرات ولا ضراب السخن، حوّلها لمواجهة مع الجيش السوري، وصارت الشغلة بين جيشين والناس مهما كانت ضد الحكومة بتضل زعلانة على الجيش، لأنه اللي مالو ابن أو أخ أو قريب إلو أمل بالجيش بالدفاع عن الوطن وبيزعل على كل واحد بيموت بمجابهات داخلية، ومادام الجيش لحد الآن ما عم ينقسم فمعناها أنه متمسك بمبادئه ومقتنع أن الحرب مو حرب مع مطالبين بالديموقراطية بل حرب مع ناس مدفوعين منشان يغيروا استراتيجية البلد بكاملها ويجعلوها قريبة للخليج ولأميركا والسوريين عموماً مهما كانت ميولهم ومهما كان تطلعهم للحرية والديموقراطية،ومهما كان تمسكهم بالدين بيضلوا وطنيين وما بيبيعوا وطنهم، والمختصر المفيد أننا أصبحنا نعتبر الجيش الحر ليس ضد الحكومة فقط بل ضد الثورة بحد ذاته، فهو مؤلف من شتات يجمعها فقط كره الحكومة، وهي ترفض الحوار مع أي مسؤول في الحكومة وبالتالي بتضيع الفرصة على المعارضة السلمية اللي ما بدها مواجهة، واللي ما بيهمها تغير الاستراتيجية السياسية لسوريا بل العكس لأن هذه الحكومة الموجودة حالياً فيها ألاف العيوب ولكن عندها هالميزة أنها ساعدت المقاومة الفلسطينية والللبنانية، وأنها لحد الآن ما وقعت لا من قريب ولا من بعيد على صلح مع إسرائيل، يعني على الرغم من كل جرائمها وعيوبها تمسكت بهذه الناحية، والثوري فعلاً يأخذ الشئ الجيد ويترك السئ، ولكن المعارضة المسلحة حتى هذه الناحية الجيدة أفقدتها معناها ، فمن جهة أولى أدخلت القاعدة، ومن جهة ثانية وقعت في فخ التطرف الطائفي الذي جرته إليها الحكومة، ومن جهة رابعة بدأ الأخيرون يهددون الأقليات وغيرهم، يعني حولوها حرب دينية طائفية وما راح يستفيد منها غير الحكومة، وكل الدلائل بتشير أن الحكومة كل مرة أقوى، ونحنا بنسأل الناس بالتلفونات كيف أخباركم وكلهم بيقولوا أنو الوضع أكثر هدوء في الشام وفي مختلف المدن، ولكن يخافون أن يأتي المسلحون إلى أحيائهم فتعلق بينهم وبين الحكومة وما بتروح غير على الأهالي الأبرياء، وبأول الفترة كانت الناس عم تأيد المسلحين بس لما شافت أنو الشغلة طويلة كثير وما في منها فائدة صارت تقول حاجتنا مواجهات وما عاد فينا، وبعدين تركونا لوحدنا، يعني المحاربين عم يقبضوا من الخليج ومن أميركا وغيرها بس ياحسرة المواطن العادي صار له سنة وتسع ت