"إيلاف" من بيروت: إجتمع 12 فنان لبناني من مختلف الأطياف على تكريم أرزتهم ورمز علم بلادهم في أوبريت ضخم بعنوان "الأرزة" الذي قُدّم في افتتاح "مهرجانات الأرز الدولية" في بلدة بشري التابعة لمحافظة لبنان الشمالي. وهم وليد توفيق، غسان صليبا، نجوى كرم، نانسي عجرم، معين شريف، ملحم زين، عبير نعمة، جوزيف عطية، رامي عياش، زين العمر، تانيا قسيس وإيليا فرنسيس، وارتدوا شالاً ابيض يحمل رسم الأرزة اللبنانية من تصميم ربيع كيروز.علماً أن الأوبريت من ألحان الموسيقي اللبناني ميشال فاضل، وكلمات الشاعر اللبناني نزار فرنسيس الذي يروي قصة شجرة الأرز عبر التاريخ في هذا العمل المغنّى.

الجدير ذكره أن كل فنان من المشاركين في الأوبريت قد قدّم منفرداً أغنيتين من أرشيف الأغنيات الوطنية للفنانين اللبنانيين الكبار، بينما قدم بعضهم أغان وطنية متنوعة وخاصة.

جعجع
وصرّحت رئيسة لجنة مهرجانات الأرز الدولية النائب ستريدا جعجع في كلمة الإفتتاح "هذا هو لبنان الذي نريده ونحلم به. لبنان الأدب والفلسفة والفن والتراث. لبنان الحضارة والتاريخ الذي هو لكل أبنائه من دون استثناء تحت راية الأرزة". وقالت: "نحن قوم لا نستسلم بل نبتدع الحلول. وبعد صدور قرار إدراج غابة الأرز الدهرية على لائحة التراث العالمية عام 1998 أُعلِن الآن إنارتها للمرة الأولى". ثم انطلقت بعدها الإنارة على وقع موسيقى مؤثرة من وحي هذا الحدث الضخم ومكانة الأزرة ورمزيتها الوطنية بحيث عبر الضوء من المسرح إلى غابة الأرز المجاورة لتبدأ بعدها الألعاب النارية.



فيما يلي كلمات الاوبريت :

قبل الحرف والعِلم قبل الصفر والرّقم

قبل الحرب قبل السلم قبل العدل قبل الظلم

قبل الوقت قبل الزمان وْمن قبل ما يْكون اللي كان

كنتي حلم للعنفوان وابتدا فيكي الحلم..

مقطع 1 :

أوَّل ما طَلّ النور صَوبٍك ركض غَمْرِك

هَبّ الهوا بخّور صار النَفَس عطرِك

عمر الزمن محفور زنّــار عَ خصرِك

ودْهور خلف دْهور اجتمعو سَوا بْعمرِك

مذهب

يا خضرا يا إمّ الزمن يا جْبين ع الدنيي عِلي

قلب العَلَم تاج الوطن ع رواحنا تْرابِك غِلي..

مقطع 2:

إنتي ال بيإيد مْن السما بْهالأرض مزروعة

رْسَمْنا حدودِك بالدِما وْصار الحلم يوعى

وْصرنا غصونك نرْسِما ع قْماش مطبوعة

رايات ع كْتاف الحِمى ع الغيم مرفوعة..

مقطع 3 :

بْتخلص دني بْتبدا دني وْإنتي بْخُلودِك هَون

يا شامخة وْما بْتنحني للمجد صرتي اللون

يا شاهدِة بْروحِك.. وبْفَيِّة شْـلوحِك.. أوَّل بداية كَــون..

مقطع 4 :

يا رمز وحْدتن ع الشمس عِلْيانِة رْفيقة بغربتنا وْبالقلب منصانِة

منغيب ومنرجَع حْواليكي نتجمَّع

والسيف عم يلمَع والزند لبناني..

مقطع 5 :

وحيـاة عـزّك والهَـوا البيغِلّ بغْصونِـك

بهالأرض رح نبقى سَوا نْعَلّي بِنى حْصونِك

وْيوم النِدا بصْفوف ع الموت نمشي ألوف

ونهر البطولة يْطوف برْجال بتْصونِــك..

مقطع 6 :

ضلّي.. بيهالعالي ما بتنطالي وْعزّك منصان..

كل البدّو يْكون عندِك كان.. قبل الزمان..

صرتي العنوان.. عنوان شعب اختار

إسمك رمز تَصار نور وْكرامِة وْنار

عنوان للبنان.. عنوان للبنان..

مقطع 7 :

وان هَبّ ليل المعركِـة وْطَلّ التحدّي يْريدنا

وللنار بيصير الحكي بتزلـغـط بْـواريدنــا

وان يوم يندَهنا النِدا لأجلِك يا عزّ بْلادِنا

لعْيونِك يْطيب الفِدا بأرواحِنا ووْلادِنا

فوق تْرابك سهل وْجبل يسقط بطل ينبت بطل

لا تخافي يا إمّ الأزل ما الموت لعبِة بْإيدنـا..