"إيلاف" من بيروت: رفعت النجمة اللبنانية ناسي عجرم الصوت عالياً من مطار بلادها وعبّرت عن غضبها كمواطنة مطالبة بتأمين أبسط حقوق الإنسان. واشتكت من وقوفوها لأكثر من ساعة في باحة المطار وهي تحمل ابنتها الباكية على كتفها سائلة عن احترام حقوق الأمهات والأطفال. حيث نشرت فيديو للمشهد من قاعة المسافرين&وغرّدت بالعامية اللبنانية: "أنا اليوم مش فنانة أنا مواطنة لبنانية بنتي عمرها ٥ شهور ع كتفي عم تبكي لمدة ساعة من الوقت ع طلوع الفجر بمطار بلدي ومتلي نساء كتار كانوا حواليي، هل هالشي مسموح؟ هل مقبول يكون في هلقد اهمال بحقنا كمواطنين بمطار بلدنا؟ مسموح نكون بعدنا هلقد بعاد عن أبسط حقوق الإنسان؟"


وتابعت مؤنبة ضمير المسؤولين بلهجة يعتريها الغضب: "بكل بلدان العالم بكون للمرأة الحامل والطفل الرضيع استثناءات.. إلا عنا.. يمكن لأن مفكرينا Option؟؟؟
يا حبايب قلبي هيدي من أبسط حقوق المرأة هيدا واجبكن تجاه كل امرأة.. مش كافينا ريحة&الزبالة بالمطار؟ والإهمال؟

&

&

وسألت مطلقة الوسم #عيب_عليكن: "ما عندكن ولاد أو ما بتحسوا بولاد الناس؟ راضيين بكل أزماتنا بكل الأوضاع اللي فارضينا علينا بس لما توصل لولادنا وأطفالنا.. لهون وبس. #عيب_عليكن"

&


وأضافت إلى الوسم نفسه، سائلة: "هيدا لبنان اللي منتغنى في بكتب التاريخ؟ هيدا لبنان اللي بدكن تشجعوا السواح يزوروا؟ ولادنا الصغار صاروا شايفين وفاهمين بالعيوب اللي فارضينا حضراتكن علينا وانتوا ما كنتوا تحسوا! ساكتين ساكتين وبعدين؟ لوين آخدينا؟ #عيب_عليكن

&

&