تلكس إلى

تلكس الي
محمود معروف


د. أحمد نظيف:
** أقل تكريم لمن حققوا الفرحة والسعادة لكل المصريين أن يطلق اسم كل لاعب علي أهم شارع في محافظته.. أما حسن شحاتة فيطلق اسمه علي كفر الدوار كلها!!
لاعبو المنتخب:
** من حقكم علينا أن تعلق صوركم في الشوارع والميادين والجامعات والمدارس فقد حققتم لمصر دعاية لا تقدر عليها وزارات السياحة والخارجية والإعلام والثقافة!
المهندس حسن صقر:
** وشك حلو علي المنتخب.. لازم تسافر مع كل المنتخبات القدم والسلة واليد والهوكي والجمباز والسباحة.. ومفيش مانع برضه مع الشطرنج!!
سمير زاهر:
** مبروك.. نجحت مقدماً في انتخابات اتحاد الكرة القادمة.. وحظك حلو.. شوبير مش داخل الانتخابات!!
الشيخ محمد بن راشد:
** شكراً لك فأنت عندما تكرم منتخب مصر.. فقد كرمت كل شعب مصر!!
عيسي حياتو:
** quot;عمروquot; بن العاص فتح مصر.. quot;عمروquot; زكي فتح افريقيا كلها!!
اللواء عبدالجليل الفخراني:
** حسني عبد ربه شرف مصر ورفع اسم الإسماعيلية عالياً في كل الدنيا.. وأقل تقدير أن يقام له تمثال في مدخل أبو صوير!!
سيد معوض:
** أوعدك لو بقيت في الإسماعيلية سيطلق المجلس المحلي للمحافظة اسمك علي المعدية رقم 6 علشان محدش يعدي!!
هاني سعيد:
** مش والدك بس اللي quot;سعيدquot; كل شعب مصر بك وبزملائك quot;سعيدquot;!!
جيرار جيلي:
** اعترافك بأن منتخب مصر استحق الفوز علي أفيال كوت دي فوار بجدارة يؤكد بأنك رجل محترم!
أوتو فيستر:
** بعد الهزيمة كان لازم تاخدها من غانا للكاميرون أوتو ستوب !!
وائل جمعة:
** ارجع فوراً.. قل لهم في قطر إن الشياطين الحمر دول quot;أهليquot;!!
محمد أبو تريكة:
** والنبي انت مبروك.. نجحت مع كل المدربين مع ان كل شيخ وله quot;تريكةquot;!!
سونج كابتن الكاميرون:
** سونج يعني أغنية وانت أحلي سونج بيغنيها كل المصريين!!
محمد شوقي:
** رأيتك وانت تذبح العجل بمهارة في بورسعيد.. أنصحك بأن تفتح محل جزارة في انجلترا!!

جريدة quot; الجمهورية quot; المصرية