"إيلاف" من القاهرة: كشف الفنان أحمد مكي عن إصابته بمرضٍ خطير خلال العام الماضي تسبب في غيابه عن الساحة الفنية وذلك في تدوينةٍ له عبر صفحته الرسمية على"فيسبوك" التي دشنها قبل يومين فقط منضماً لمنصات التواصل الإجتماعي.

وكتب يقول "الّي خلاني اعمل الصفحة دي اني لقيت كم ناس سألت عليا لما غبت السنه الي فاتت و بيستفسروا انا اختفيت فين، وكنت حابب اشكرهم على سؤالهم عليا لأنه فعلا فرق معايا نفسيا وكنت محتاجه قوي".
وأضاف "انا كان بقالي سنه تقريبا عيان جداً ، كان عندي ( فيروس ) ضربلي الكبد و الطحال ... مكنتش حتى اقدر اشرب بق ميه بسبب الطحال ، وكنت في شبه كومه اول شهرين من المرض ، عشان الكبد كان عملي خمول ، كنت بأنام من 18 ل 20 ساعه في اليوم !!!خسيت فوق ال 30 كيلو و كنت شبه فاقد للأمل ، الحمد لله على كل حال ، انا دلوقتي خفيت تماما و وزني زاد تاني ، و اتعلمت كتير جدا في الرحلة دي ، وكان فارق معايا جدا سؤالكم عني ، حسّيت ان ليا أهل مش جمهور ، وإني فرقت معاهم لما غبت ، ربنا يفرح قلوبكم زي ما فرحتوا قلبي ، واهلا بيكم في صفحتي".

تجدر الإشارة إلي أن مكي يعود للدراما التليفزيونية من خلال مسلسل "خلصانة بشياكة" مع هشام ماجد وشيكو وهو المسلسل الذي سيعرض في السباق الرمضاني.