"إيلاف" من القاهرة: نشرت الفنانة مي كساب تفاصيل إصابة ابنتها الرضيعة فريدة بعد سقوطها في المنزل بتدوينة كتبتها عبر حسابها على موقع تبادل الصور انستقرام وسألت الجمهور أن يشاركها بالدعاء لها. وكتبت تقول "ما كنتش عاوزه أكتب اي حاجه ولا أتكلم بس اتعودت إنكم جزء مني بافرغ اللي جوايا معاكم وبافرح بكلامكم الحلو اللي بيديني كل الطاقه الإيجابية اللي بتخليني قادره اكمل في الحياه امبارح كان يوم وحش قوووي اصعب من يوم وفاه امي اول مره هاقول الكلام ده في حياتي لما امي ماتت فضلت تعبانه نفسيا جدا وحاسه ان انا السبب انا اللي أخدتها واديتها الإشعاع وفضلت عايشه كتير بالإحساس ده بس الحمد لله ربنا كان حاضني جدا واداني إشارات كتير قوي تبرد قلبي وانا الحمد لله جريت ع الكعبه عشان أبرد قلبي وعملت عمره لامي وهديت خالص وقلت انا لله وانا اليه راجعون ده عمرها وانتهي لحد هنا".

وأضافت "امبارح كنت شايله فريده مشيت بيها بالظبط متر من الريسيبشن للجنينه كنت عاوزه اقعدها في الشمس راحت أيد الكرسي مفكوكه ووقعت ع الارض عشت اسود يوم في حياتي كنت حاسه كأني مجرمه مذنبه قلبي مش قادره أوصف عامل ازاي عينيه ما بتنشفش من الدموع عندها كسر في عضمه الترقوه يا قلب امك طب دي هتستحمل ازاي هانام ازاي الليل هيعدي علينا ازاي بس الف حمد وشكر لله عدي الليل وربنا رحمته واسعه الحمد لله قل لن يصيبنا الا ما كتب الله لنا ربنا يحفظ اولادنا الضنا غالي قوي الله يرحمك يا امي ربنا يقوي كل الأمهات والابهات علي تربيه ولادهم والحفاظ عليهم ربنا يقدرني ويحفظلي بنتي ويخفف عنها الالم بصتلي بصه امبارح بالدنيا كلها كأنها بتتكلم وبتقول لا يا ماما ما تعيطيش انا هابقي كويسه ربنا يحفظك يا نور عين ماما ربنا يرزق كل مشتاق".

تجدر الإشارة إلي أن مي ستشارك في مسلسل "لأعلى سعر" الذي سيعرض خلال رمضان المقبل مع نيللي كريم.

 

ما كنتش عاوزه اكتب اي حاجه ولا أتكلم بس اتعودت إنكم جزء مني بافرغ اللي جوايا معاكم وبافرح بكلامكم الحلو اللي بيديني كل الطاقه الإيجابية اللي بتخليني قادره اكمل في الحياه امبارح كان يوم وحش قوووي اصعب من يوم وفاه امي اول مره هاقول الكلام ده في حياتي لما امي ماتت فضلت تعبانه نفسيا جدا وحاسه ان انا السبب انا اللي أخدتها واديتها الإشعاع وفضلت عايشه كتير بالإحساس ده بس الحمد لله ربنا كان حاضني جدا واداني إشارات كتير قوي تبرد قلبي وانا الحمد لله جريت ع الكعبه عشان أبرد قلبي وعملت عمره لامي وهديت خالص وقلت انا لله وانا اليه راجعون ده عمرها وانتهي لحد هنا امبارح كنت شايله فريده مشيت بيها بالظبط متر من الريسيبشن للجنينه كنت عاوزه اقعدها في الشمس راحت أيد الكرسي مفكوكه ووقعت ع الارض عشت اسود يوم في حياتي كنت حاسه كأني مجرمه مذنبه قلبي مش قادره أوصف عامل ازاي عينيه ما بتنشفش من الدموع عندها كسر في عضمه الترقوه يا قلب امك طب دي هتستحمل ازاي هانام ازاي الليل هيعدي علينا ازاي بس الف حمد وشكر لله عدي الليل وربنا رحمته واسعه الحمد لله قل لن يصيبنا الا ما كتب الله لنا ربنا يحفظ اولادنا الضنا غالي قوي الله يرحمك يا امي ربنا يقوي كل الأمهات والابهات علي تربيه ولادهم والحفاظ عليهم ربنا يقدرني ويحفظلي بنتي ويخفف عنها الالم بصتلي بصه امبارح بالدنيا كلها كأنها بتتكلم وبتقول لا يا ماما ما تعيطيش انا هابقي كويسه ربنا يحفظك يا نور عين ماما ربنا يرزق كل مشتاق #مي_كساب #عيد_الام #حبيبه_قلبي

A post shared by Maiikassabofficial (om Farida) (@maiikassabofficial) on