"إيلاف" من القاهرة: دافعت الفنانة #ألفت_عمر عن الإنتقادات التي تعرضت لها زميلتها الفنانة #حورية_فرغلي عبر مواقع التواصل الإجتماعي بعد ظهورها وهي تتحدث بطريقةٍ مختلفة لم يتقبلها الجمهور في برنامج #كل_يوم على خلفية الأزمة الصحية التي تعاني منها منذ عدة أشهر.

وكتبت عبر حسابها على "فيسبوك" قائلة "ايه كميه السواد اللى جوه الناس دى طب لما يطلع حد سليم ومتعايق يتكلم بينا وتتريقوا عليه نقول اهى قلة أدب وناس غاويه تريقة وخلاص لكن ازاى واحده زي حورية فرغلي دى بكمية العمليات والحوادث اللى فى حياتها من ضمنها واحده صعب اى ست تتحملها جايين كلكوا تتريقوا عليها عشان بتتكلم بطريقه مش مظبوطه وغصب عنها وكله بسبب الحادثه ..... الرحمه حلوه يا شعب مصر وكل الأديان قايمه عالرحمه والإنسانية والدين معامله بلاش الفيس ياخدنا لطريق مافيش فيه غير اللا انسانيه واللا احترام وفى الآخر تقولوا مدنيه يلعن أم المدنيه عالتكنولوجيا عالثورات اللى بتخليكوا فاكرين نفسكوا بتقولوا رأيكم وهى كلها تجريح ولخبطه ولا تمت للدين ولا الانسانيه بشئ، حورية فرغلي..ملحوظة : هي زميلة وليست صديقة".

يُذكر أن إطلالة "فرغلي" الأخيرة قد عرضتها لانتقاداتٍ حادة عبر مواقع التواصل خلال الساعات الماضية، علماً بأنها غائبة عن الظهور التليفزيوني منذ فترةٍ طويلة.