"إيلاف" من القاهرة:&رد الموزِّع أحمد ابراهيم زوج الفنانة أنغام على انتقادات طالته وطالت زوجته،&برسالة حادة استشهد فيها بأقوال الرسول في زواجه من السيدة خديجة كما تطرق للحديث عن علاقته بزوجته الأولى التي لا تزال على ذمته.

وكتب مدونة طويلة عبر حسابه على "فيسبوك"، جاء فيها:&"دي رساله لكل حد هيتجاوز من هنا ورايح زي السافل اياه، انا سكت طول الفترة الأخيرة ورفضت ألف برنامج للرد على تجاوزات في حقي وحق زوجتي التانية او اتهامات كاذبه في حق زوجتي الأولى منسوبه ليا، واتهامات من ناس معندهاش تفاصيل. وسكت لاني كبير واعرف ادير بيوتي ازاي، ومش من هواة الرد و١٧ سنه شغل لا جريت على ماده ولا شهرة لاني شبعان، ولاني بتقي الله وبستخيره في تصرفاتي وباخد قراراتي بنفسي واللي عارفني عارف مين احمد ابراهيم".

وأضاف "اللي في الصورة معايا دي مراتي وحطاني في دماغها وبترضيني قبل ما تبقى نجمه واهم مطربات مصر والوطن العربي، اللي في الصورة معايا لا خدتني من بيتي ولا ولادي ولا خربيت بيت حد ولا الف غيرها يعرفوا .. انا ولادي في حضني وهما وامهم لسه في رقبتي وعايشين في خيري ومن عرقي ومحدش اشتكى".

واستطرد "ولادي زي الفل ومعايا ومامتهم فوق دماغي وشايلة لسه اسمي ووش الخير عليا وسواء كملنا او انفصلنا هتفضل أم ولادي وكله نصيب ثم ومش هفيه عشان حد يدافع عنها".
وواصل حديثه قائلاً "اللي بيني وبين مراتي ١١ سنه يعني اقل ٤ سنين من الفرق اللي بين السيده خديجه والنبي ص اللي في الصورة ده واخد جوايز ومتكرم كاحسن موزع في مصر والوطن العربي اخر ١٧ سنه، وصاحب اهم نجاحات ناس اكبر منه في السن ماحققوش ربعا و بفضل الله اعلى سعر موزع موسيقى حاليا مع اتنين تلاته كمان من جيله على مستوى وطن عربي".

وأضاف "وبالمناسبه انا مش مضطر اطلع ادافع او ابرر واتكلم في اسرار بيتي وارد على اتهامات عشان اخد بونت على حساب ام ولادي وافضح بيتي، انا ولادي في حضني وامهم لسه في رقبتي وفوق دماغي ومحدش اخدني من بيتي و ولادي ولا حد يعرف يعملها انا اتجوزت على سنة الله ورسوله وراضيت ربنا وعملت الصح كفاية متاجرة بولادي وامهم ونواح وعياط يا سفلة محدش طلب تدخلكم في امور بيتي وسواء اولادي او اي واحده من زوجاتي الاتنين عايشين في خيري انا وبعرقي انا وقادر اتجوز كمان اتنين لو عاوز الحمد لله".

واختتم رسالته قائلا "واخيرا من حق اي واحده من زوجاتي رفض الوضع وهو حقها وهعمل اللي يرضيها وفوق دماغي لان كرامة اي واحده منهم من كرامتي !".
تجدر الاشارة إلى أن أنغام تعرضت لانتقادات حادة من جمهورها بسبب ارتباطها بالموزع أحمد ابراهيم وهو متزوج وزوجته لا تزال في عصمته. حيث أقامت دعوى طلاق للضرر بعد إعلان زواجهما بوقتٍ سجل فيه أحمد مع زوجته أنغام حلقة في برنامج الإعلامي نيشان بالعاصمة اللبنانية بيروت في الأسبوع الماضي.

&