مازالت أصداء تسريبات نشطاء ثورة 25 يناير تتواصل، والذين ردوا بالكثير من الغضب عليها، متهمين أجهزة أمنية بخرق القانون. ولجأ بعضهم إلى القضاء للمطالبة بالتحقيق فيها. بينما بث الإعلامي عبد الرحيم علي تسريبات جديدة في تحدّ لغضب النشطاء.

صبري عبد الحفيظ من القاهرة: أثار بث التسجيلات عبر الفضائيات غضب النشطاء أنفسهم، وتقدم بعضهم ببلاغات للنيابة العامة للتحقيق في التنصت عليهم. وتقدمت خمس منظمات حقوق إنسان ببلاغ مماثل، معربة عن استنكارها لنشر تلك التسجيلات.

القرضاوي الابن: مفبركة
فيما قال عبد الرحمن القرضاوي، نجل الشيخ يوسف القرضاوي، الذي كشفت تسريبات عن ملفه في جهاز أمن الدولة أنه صاحب علاقات نسائية مشبوهة، إن: quot;التسجيل لا يظهر غير سخرية النجار من وجود معلومات فكاهية ملفقة تضمنها أحد الملفات التي عثر عليها في مبنى أمن الدولةquot;. وأتهم ناشري التسجيلات بـquot;فبركتهاquot;.

أضاف: quot;لم يكتف المتورطون بإعلانهم وفخرهم بالتجسس على الناس، بل استخدموا الفبركة، وإعادة المونتاج، بالحذف والإضافة، لمحاولة تلفيق اتهامات فارغة لثوار يناير الشرفاء وهذه جريمة أخرىquot;. ولفت إلى أن عملية دخول مقر جهاز أمن الدولة تمت quot;تحت مسمع ومرأى قوات الجيشquot;.

واعتبر القرضاوي الابن أن الهدف من نشر التسجيلات: quot;الخوض في شرعية ثورة ينايرquot;، وهدد باللجوء إلى القضاء. وكشفت أسماء محفوظ عبر حسابها في توتير أن: quot;اللي فتح بوابات أمن الدولة للناس كان الجيش أصلًا، وكانت تمثيلية، وبعدها ضربوا نار ... إرجعوا لشهادات الناس وقتها وانتوا تعرفواquot;.

انتقام من الثورة
بينما تقدم الناشط السياسي مصطفى النجار ببلاغ للنيابة العامة للتحقيق في تسريب تلك المكالمات. وقال في بيان له إن حملة نشر التسجيلات تهدف إلى التشكيك بثورة 25 يناير، مشيرًا إلى أن ناشريها لهم علاقات بأمن الدولة، ووصفتها بأنها quot;مفبركةquot;. وقال: quot;من حق المصريين أن يعرفوا سر حملة الاغتيال المعنوي القذرة التي أتعرّض لها، ويديرها مشبوهون، يعرف الكل علاقتهم بأجهزة في الدولة التي قررت هدم دولة القانون وممارسة الانتقام السياسي من خصومها بأحط الوسائل التى استخدموا فيها الكذب والتلفيق والتزوير والتجسس على الناس وفبركة محادثاتهم الخاصة بطريقة تجعل منهم شياطين وخونة وعملاء فى أكبر حملة تحريض مجنونة شهدتها مصر ضد شباب، كل جريمته أنه شارك فى صناعة ثورة يناير مع رفاق له، احتضنهم الشعب، ووثق فيهم ولم تتغير مواقفه التى تستند إلى مبادئ تجعله معارضًا لكل سلطة تعادي الديمقراطية وتنتهك حقوق الإنسانquot;.

عرض النجار مكالمة قال إنها مع مسؤول رفيع في وزارة سيادية في شهر تشرين الأول/أكتوبر الماضي، خلص منها إلى أن النظام القديم هو من يقف وراء تلك الحملة ضد ثورة 25 يناير، ونصحه فيها بالسفر إلى الخارج، وجاء فيها:

النجار: يا فندم اللي بيحصل دا عيب، والنهش في ثورة يناير ورموزها واتهامهم إنهم طابور خامس وخونة عيب، ومعناه إنكم بتعلنوا الحرب على ثورة يناير.

المسؤول: ملناش دعوة. أنت تصدق إننا ممكن نعمل الحاجات القذرة دي؟. دول النظام القديم وإعلامه وفلوسه، ومش إحنا اللي مسيطرين عليهم، ودا طبيعي، أنتم خصومهم، ولازم يكسروا فيكم.

النجار: بس سكوتكم على اللي بيحصل من تشويه للشرفاء واغتيال البرادعي معنويًا وتخوينه والتكسير في كل ما له علاقة بالثورة معناه إنكم موافقين عليه أو مستفيدين منه.

المسؤول: عيب يا مصطفى تتخيل دا، إحنا ورثنا تركة تقيلة من مبارك، والجهات اللي بتعمل كدا دي أخلاقها!، ومش جديد عليها ومفروض إنكم متعودين!.

النجار: يا فندم هو الانحياز للثورة معناه إن كل ممارسات الماضي السيئة ترجع؟، طيب ما نرجّع مبارك وخلاص، ونعتذر إننا عملنا ثورة.

المسؤول: بص يا مصطفى المعادلة الجديدة كدا، عاجبك تبقى فيها استمر، لو مش عاجبك سافر، واشتغل دكتور برّه، وعيش حياة كويسة وهادية وريّح دماغك.

كما عرض النجار لمحادثة أخرى مع مسؤول أمني آخر، نصحه بالسكوت، وعدم الحديث عن حقوق الإنسان أو الديمقراطية، لأنها لن تتحقق في مصر، وجاء نصها كالآتي:

quot;يا دكتور مصطفى بلاش تتكلم عن حقوق الإنسان والتعذيب والكلام دا، خلينا نظبط البلد، وبلاش أوهام الديمقراطية بتاعتكم دي تخليكم تحلموا إن مصر هتبقى زي أوروبا وأميركاquot;. وأضاف المسؤول: quot;الديمقراطية بتاعتكم دي هناك، لكن هنا لا!. ولو مصمم عليها أنت والفيلسوف حمزاوي والبوب بتاعكم خدوا بعض وسافروا وعيشوا هناك وريّحوا دماغناquot;.

وتابع المسؤول موجهًا حديثه إلى النجار: quot;أنت بتتكلم على المعتقلين المظلومين وعلى اللي ماتوا في عربية ترحيلات أبو زعبل أنت أعصابك تعبانة ولازم تاخد أجازة من الكتابة، وما تعلقش على أي حاجة، عشان كدا أنت بقيت ضد البلد، ولو أنت وطني لازم تسكت وتسيبنا نشوف شغلنا ونصلح الخراب اللي انتو عملتوه بالثورة بتاعتكمquot;!.

quot;ربّي عيالك واسكتquot;!
حملت المحادثة تهديدًا للنجار، حسبما ورد على لسان المسؤول، الذي قال له: quot;أنت فاكر نفسك عشان مشهور وكنت نائب محدش هيقربلك؟. أنت لو كملت كدا وما غيّرتش آراءك دي هتدفع تمن غالي أنت مش قده، وإوعى تفتكر إن حد هينفعك، معندناش حد كبير، خد بالك هنقول عليك إخواني وبتدعم الإرهاب، ربّي عيالك وخاف على نفسك واللي حواليكquot;.

وتابع المسؤول تهديداته للنجار، وقال: quot;أنت خلاص عديت كل الخطوط واتحطيت في القايمة السودا، إحنا حذرناك وأنت رفضت، استحمل اللي هيحصل فيك، وابقى إحمي نفسك من المواطنين الشرفاء لما نقولهم إنك خاين وعميل، ونكسرك نهائيًا، ونخلي الناس تكرهك، ومش الناس بس، كل اللي حواليك هنخليكم تكرهوا بعض وهنكسركم وهنبدأ بيك، عشان أنت شايف نفسك ومش هنسيب حد من العيال بتوع البرادعي ولا بتوع 25 ينايرquot;.

أضاف النجار في بيانه تعليقًا على المحادثة الأخيرة: quot;أيها المصريون هذه هي التهديدات التي حاولوا إرهابي بها، بسبب موقفي السياسي الرافض للاستبداد، اليوم قرروا تنفيذها عبر ما ترونه من حملة مسعورة، لن أستطيع أن أجاريها بالأسلوب القذر نفسه، ولا تسمح أخلاقي واحترامي لنفسي بأن أتدنى لهذا المستوى، ولكنى سأكشف لكم مثالًا للكذب الذي مارسوه لتشويهيquot;.

وقال النجار إن دخول مقر جهاز أمن الدولة كان بمباركة الجيش والشرطة العسكرية، طالبًا شهادة مسؤولين كبار سابقين في الجيش، منهم الفريق سامي عنان، رئيس الأركان السابق، واللواء محمد العصار عضو المجلس العسكري السابق.

في السياق عينه، تقدمت خمس منظمات حقوقية ببلاغ للنائب العام للتحقيق في التسريبات، واتهمت عبد الرحيم علي مقدم برنامج quot;الصندوق الأسودquot;، بـquot;انتهاك حرمة الحياة الخاصة للمواطنين، بالمخالفة نص المادة (309 مقرر أ) من قانون العقوبات، من خلال التنصت على المكالمات التليفونية للناشطين في حركة 6 أبريل، محمد عادل وأحمد ماهر، بطريق غير قانوني، وإذاعة ونشر التسجيلاتquot;.

جريمة مكتملة الأركان
وأضافت المنظمات في بلاغاتها أن quot;الواقعة تمثل جريمة مكتملة الأركان، وفقًا لنص المادة (909 مكرر) من قانون العقوبات، التي تجرم الاعتداء على حرمة الحياة الخاصة للمواطن، في غير الأحوال المصرح بها قانونًا، أو بغير إرضاء المجني عليهمquot;.

فيما واصل عبد الرحيم علي تحديه للنشطاء، وبث المزيد من المحادثات الهاتفية، وآخرها كان مقطعًا جديدًا لمكالمة هاتفية بين مصطفى النجار أحد شباب الثورة وعضو مجلس الشعب السابق، وأحمد شكري، ابن أخت الدكتور محمد البرادعي، مستشار رئيس الجمهورية السابق، أظهرت أن هناك ثمة إتفاقات على عقد صفقات مع رموز سياسية مصرية لتصعيد البرادعي إلى منصب رئيس الجمهورية، رغم عدم اقتناع النجار به. وجاء نص المحادثة الهاتفية كالآتي:

شكري: آلو
النجار: دكتور أحمد شكري
شكري: حبي.. طمني
النجار: فاتتك قعدة تاريخية
شكري: ياااه بقى متقعدش تعذبني.. قولي إيه اللي حصل
النجار: مفيش جديد عادي
شكري: إيه يا عم أنا كلمت عبدالمنعم قالي إيجابية جدًا وبتاع
النجار: الواد عبدالمنعم ده سطحي آخر حاجة.. وفعلًا أنا بفكر أمشّيه من الحزب عشان منفوخ منه

شكري: بقوله إيه الأخبار؟، قال لي أنا في المواصلات.. ومش هقدر أتكلم.. قولتله يعني إيه إيجابية.. قالي آه إيجابية جدًا جدًا
النجار: لا.. بص هو أهم حاجة وصلنا لها أقنعته إن إحنا لازم نلعب سياسة ونبقى برجماتيين
شكري: صح كده
النجار: تمام.. طيب.. فاقولتله إحنا دلوقتي عمرو موسى رايح جاي.. نقعد معاه ونسمع منه مفيش مشكلة.. بس كده كده إحنا مش انفولدد معاه.. ولكن
شكري: الكلام على مين
النجار: عمرو موسى عايز يتغدى معاه.. قولتله اتغدى معاه متتغداش معاه ليه!
شكري: آه بالضبط

النجار: آه قولتله مرشد الإخوان نقعد معاه نشوف أولهم وآخرهم إيه.. ومعانا ولا مع عمرو موسى
شكري: آه
النجار: الحاجة التانية إحنا دلوقتي مين اللي موجود نستوعبه.. هشام البسطويسي عايز يبقى ريس تعالى.. هشام بسطويسي أنت هتبقى نائب الريس
شكري: آه
النجار: أحمد زويل تعالى أحمد زويل إنت كده كده الدستور بيقول إنك متنفعش ريس ولا نائب ريس فتعالى رئيس وزراء
شكري: آه
النجار: واخد بالك.. فاقتنع البوب الصالح قالي إبدأ اتصالاتك
شكري: تمام.. فاااا هنبدأ اتصالاتنا
شكري: ها

النجار: عايزين مدير وبتاع وكلام كده.. فقولتله والله مفيش
شكري: إيه.. هتبدأ اتصالات إيه؟
النجار: أكلم بقى هشام وأكلم الناس ديه يعني.. وأبوالغار هيكلم زويل
شكري: آه
النجار: وهنشوف بقا
شكري: حلو
النجار: فاهمني أنت الديل دوت
شكري: تمام
النجار: يعني عشان لما نعمل المؤتمر الصحافي للترشح للرئاسة نلاقي زويل واقف جنبه نلاقي فاروق الباز نلاقي هشام البسطويسي وإحنا يبقى كده خلصت
شكري: تمام تمام
النجار: بس.. والله العظيم يا ميدو يعني هنجبهولك رئيس يا ميدو.. هنجبهولك رئيس بس يعني ربنا يسامحنا يا ميدو
شكري: جبت سيرة الحزب ولا مجبتش
النجار: لا لا مجبناش سيرة الحزب خالص.. بس بسرعة قولتله إحنا كده كده شغالين في موضوع الحزب، ولازم كده وده مش حزب البرادعي وأكدت عليه كده.. بس في البلاااالة يا عم علي يا عم.. يخرب.. أبوس إيدك والنبي خلي علي يسافر
شكري: ليه بس قاله إيه.. قال إيه؟

النجار: مفيش يا عم لسه بيفكر بنفس الشكل الغلبان قوي.. مسكين يا أحمد مسكين
شكري: اللي هو إيه بس طمني.. قولي
النجار: اللي هو كده.. الشكل اللي هو إيه طريقة التفكير نفسها
شكري: زي إيه يعني
النجار: بشكل عام يا أحمد
شكري: اللي هي طب شوفوا كده.. صح؟
النجار: آه آه اللي هو مفيش كده طب نعمل إيه.. قولتله لا.. هجيب مروة.. مروة مفرغها
شكري: آه
النجار: مروة مفرغها تيجي تخدلها 2000 دولار في الشهر.. تقعد تعملنا كده.. بيقولي واحدة اسمها جليلة عايزة تساعدنا وبتاع.. قولتله بص ولا جليلة بلا جليلاشي.. مروة.. قولتله مروة راحت معايا مركز المعلومات اتخاذ القرار.. البنت قعدت هناك ثبتت كل الناس.. العلم اللي عندها والكلام اللي عندها يعني محدش في مصر عنده للأسف يعني.. والله العظيم يا أحمد.. قعدت معاهم يخرب بيت كده.. الناس دي وقعوا يعني بس.. فقولتله بس على الله أصلاً مروة ترضى أصلاً

شكري: دلوقتي أنت رايح العاشرة مساءً.. ولا رايح فين
النجار: اااا لا أجلنا العاشرة مساءً لبكره.. قلنا نستنا ونشوف تطور الأحداث ايه.. ضربوا الناس عند لاظلوغي جامد على فكرة
شكري: ااه بس في كلام أن اللي هناك ناس بلطجية.. مش بلطجية ناس من المنطقة يعني ناس كده على توتير
النجار: مش عارف لسه هنتأكد
شكري: أنت رايح فين رايح فين
النجار: أنا في أكتوبر دلوقتي روحت البيت.. عشان اقعد اكتب كام مقال كده وقاعد اكتب الرموز الحزبية اللي هنخدها معانا
شكري: لا لا عايزين نتكلم في موضوع الحزب ده ضروري.. فيه حاجات كتير إحنا انجزناها امبارح وفي حاجات عايزين نعرف الخطوات يعني

النجار: طيب ما تخلص شغلك وبتاع وتكلمني متأخر شوية.. ساعة كده ولا حاجة ادخل البيت أقلع هدومي وكده يعني
شكري: ماشي ظبط نفسك كده واديني رنة وأطلبك أنا.. في حاجات دلوقتي .. وحاجات إحنا وصلنالها امبارح.. ونحط شوية نقط على الحروف وكده وخلاص.. ماشي
النجار: طيب ماشي ماشي
شكري: بس خلص فضي نفسك كده واديني رنة
النجار: طيب
شكري: حاول تستعجل سلام.